Hamasi dhe organizata Xhihadi Islamik paralajmëruan Izraelin se do të kundërpërgjigjen në të njëjtën mënyrë nëse vjen përsëri tek ndërhyrja izraelite gjatë demonstratave milionëshe paqësore të paralajmëruara për sot “Marshi i Kthimit të Madh” në Gaza, raporton Anadolu Agency (AA).

Sekretari i Përgjithshëm i Xhihadit Islamik, Zijad en-Nehale dhe zëvendësdrejtori i Hamasit, Salih el-Aruri deklaruan se do të veprojnë bashkërisht kundër ndonjë sulmi apo ndërhyrjeje të mundshme të forcave izraelite.

Palestinezët që nga 30 marsi i vitit të kaluar në kufirin e Rripit të Gazës dhe Izraelit organizojnë demonstrata paqësore nën moton “Marshi i Kthimit të Madh”. Demonstruesit kërkojnë kthimin në territoret nga të cilat janë dëbuar si dhe heqjen e bllokadës së Gazës të imponuar në vitin 2006.

Si pasojë e ndërhyrjes së ushtarëve izraelitë ndaj protestave që nga 30 marsi i vitit të kaluar janë vrarë më shumë se 230 palestinezë. Në të njëjtën kohë, të paktën 14 palestinezë u vranë në sulmet ajrore dhe me tanke në Gaza.

Palestinezët çdo vit shënojnë “Ditën e Tokës”, për të përkujtuar 30 marsin e vitit 1976, kur Izraeli konfiskoi nga palestinezët mijëra hektarë tokë.